• 70110425
  • info@mongolianlawyer.mn
  • mgl
  • mgl

Улаанбаатар хотын Олон улсын нисэх буудлын менежментийг хэрэгжүүлэх Концессын гэрээ байгуулагдлаа.

  •  
    Өмгөөллийн “Соёмбо Легал Партнерс” ХХН нь 2018 оноос Төв аймгийн Сэргэлэн сумын Хөшигийн хөндийд шинээр баригдсан “Улаанбаатар хотын Олон улсын нисэх онгоцны шинэ буудлын менежмент төсөл"-ийн Хуулийн зөвлөхөөр ажиллаж, төслийг хэрэгжүүлэхэд шаардлагатай Хувьцаа эзэмшигчдийн гэрээ болон Концессын гэрээний төслийг боловсруулсан. 

    2019 оны 6 дугаар сарын 28-ны өдөр хийгдсэн Монгол Улсын Засгийн газрын хуралдаанаар Концессын гэрээний төслийг хэлэлцэж, “Улаанбаатар хотын Олон улсын нисэх онгоцны шинэ буудал”-ын менежментийг хэрэгжүүлэх Монгол-Японы хамтарсан компанитай “хөрөнгө оруулах-ашиглах-шилжүүлэх” нөхцөлөөр Концессын гэрээ байгуулахыг зөвшөөрсөн бөгөөд 2019 оны 7 дугаар сарын 05-ны өдөр Улаанбаатар хотын Олон улсын нисэх онгоцны шинэ буудал дээр гэрээнд гарын үсэг зурах ёслол албан ёсоор хийгдлээ. 

    Монгол Улсын Засгийн газраас Монгол-Японы хамтарсан "Нью Улаанбаатар Интернэйшнл Эйрпорт" ХХК-д 15 жилийн хугацаатайгаар концессын эрх олгож байгаа бөгөөд 2019 оны 8 дугаар сараас шинэ нисэх буудлын үйл ажиллагааг эхлүүлэх бэлтгэл ажлыг эхлүүлж, 2020 оноос зорчигч хүлээн авахаар төлөвлөж байгаа болно. 
Facebook хуудас
Мэдлэгийн сан
Их уншсан мэдээлэл
Сайтыг урласан Ухаалаг шийдэл ХХК